Vinterstøyl

Den siste kvelden før storebror fór ned att til Danmark, tok vi alle på oss ullklede og pakka med ei lammesteik for å ta ein tur på støylen. Den elektriske omnen hadde stått på sidan kvelden før, men det fyrste vi gjorde var naturlegvis å setje i gong med vedfyringa.

img_6254-2

For å gjere rommet endå lunare, kveikte vi nokre stearinlys her og der. Det eine lyset fekk skine på røsslyngbuketten frå i sommar, som sto om lag like fin som då han var nyplukka.

img_6265-2

Gamle Donald-blad er obligatorisk lektyre på støylen. Særleg er det dei klassiske Don Rosa- og Carl Barks-historiene som passar ekstra godt med den dempa belysninga og lukta av elda tømmer.

img_6248-2

På veg heim freista eg å ta bilete av hjortane som kryssa vegen (til saman såg vi fem dyr), men eg laut nøye meg med å fotografere dei nakne trea og buskene som fekk ein stemningsfull utsjånad i lyset frå billyktene.

img_6272

Med andre ord går det veldig fint å bruke støylsselet vinterstid òg! Ein lyt berre sjå til at ein har nok klede og ved og mat til å halde seg varme.

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google photo

Du kommenterer no med Google-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s